DOSBARTH ENFYS - Derbyn a Blwyddyn 1
Mrs Lowri Pritchard - Athrawes Ddosbarth
Mrs Einir Hughes - Uwch Gymhorthydd
Mrs Bethan Parri - Cymhorthydd ADY
Gwnaethom gychwyn ein thema trwy edrych ar y llyfr ‘Ia-hŵ meddai Gwdihŵ’ a chael cyfle i drafod a meddwl am yr holl liwiau sydd yn y byd. Cawsom gyfle i wneud gwaith siapiau trwy greu tylluanod siapiau ac hefyd gwneud patrymau ail-adroddus o’r teulu tylluanod ar y gangen.
‘Rydan ni wrth ein boddau yn canu yn Nosbarth Enfys, ac ‘rydym wedi bod wrthi yn brysur iawn yn dysgu caneuon y Sialens Rhigymau (Pori trwy stori). Ein hoff ganeuon yw ‘Pum corcodeil’ a ‘Tri broga boliog braf’. Yn ein tro, cawn fynd a bag rhigymau adre dros y penwythnos i’w rannu gyda’n teuluoedd.
Yn dilyn casglu dail a brigau o amgylch yr ysgol, buom yn edrych ar waith Andy Goldsworthy a gweld ei fod yn defnyddio deunyddiau naturiol i wneud gwaith celf. Buom yn cydweithio i greu gwaith celf ein hunain gan ddenfyddio brigau, dail, mês, moch coed, concyrs a cherrig amrywiol. Braf oedd cael gweithio yn yr awyr agored.
‘Rydan ni hefyd wedi bod yn greadigol iawn hefo dail. Welwch chi’r gloynnod byw, y coed a’r tân yn y lluniau yma gan 4 disgybl o’r dosbarth? ‘Rydan ni yn cofio bod tro I weitho fel Wil Wiwer a chanolbwyntio ar ein gwaith fel y gwnaeth Wil wrth iddo gasglu cnau i’w fam.
Rhan bwysig iawn o’n gwaith bob wythnos yn Nosbarth Enfys yw ei gwaith ar lythrennau gan ddenfyddio Cynllun Tric a Chlic. Cawn gyfle i ymarfer ein sgiliau adnabod a chyfuno llythrennau ac hefyd ffurfio llythrennau ac ‘rydym i gyd fel Ynyr Ystlum yn gwella bob wythnos gyda’n gwaith ieithyddol
Croeso i dudalen Dosbarth Enfys sy’n ddosbarth ar gyfer disgyblion oedran Derbyn Ysgol Llandygai.
Ein thema ni yn nhymor yr Hydref yw ‘Lliwiau’r Hydref’.